|
Snudde kampen og vann!
|
G13: HaNo-Liabygda 8-4. HaNo låg under 0-2, men reduserte til 1-2 før pause. Manuel Hoedemakers skåra etter 20 sekund i andre omgang, og etter det såg ikkje HaNo seg tilbake. Karane spelte mykje god fotball, og tok ein skikkeleg lagsiger.
|
30.05.10, Nordøy stadion.
Kampfakta:
HaNo-Liabygda 8-4(1-2)
Mål:
0-1 (5)
0-2 (20)
1-2 Totto B. Helland (23)
2-2 Manuel Hoedemakers (31)
3-2 Manuel Hoedemakers (33)
4-2 Karl Oskar Olsen (42)
5-2 Manuel Hoedemakers (46)
6-2 Anders Tomren (50)
6-3 (53)
7-3 Manuel Hoedemakers (55)
8-3 Christoffer Longva (57)
8-4 (58)
Dommar: Steven Saure, HaNo FK.
HaNo:
Sigbjørn Moe Klokk, Tobias Nogva, Jan Erik Eidem Flem, Manuel Hoedemakers, Petter Olsbø Farstad, Jonathan Vedeld Haram, Anders Tomren, Bendik Marøy Austnes, Karl Oskar Olsen, Christoffer Longva, Totto B. Helland. Trenarar: Andreas Austnes og Rolf Longva.
HaNo fekk ikkje ei knallopning. Trass i jamt banespel var det Liabygda som opna best med to skåringar. – Litt typisk desse karane, seier trenar Rolf Longva. – Dei treng liksom ei tid for å kome skikkeleg i gong, meiner han. Men Rolf skulle få svar på tiltale frå sine utvalde. Totto B. Helland reduserte med ein frekk tunnell på keeper rett før pause, og dette blei ei vitamininnsprøyting aldeles før andre omgang.
- Dette må vi ha trua på, fortset og køyr på, så skal vi ta desse her, mana trenar Rolf på i pausen. Og for ein kanonstart det blei på andre omgang! Det hadde akkurat gått 20 sekund då Manuel Hoedemakers knalla ballen i mål, og han tok likegodt HaNo i leiinga like etter. Liabygda utlikna, trudde mange, men dommar Steven Saure annulerte korrekt då det var keeperen som faktisk kasta i mål. I staden dundra forsvarskjempa Karl Oskar Olsen inn 4-2, etter at Jonathan Vedeld Haram la igjen med ei fin pasning. Manuel auka til 5-2 med ei kald avslutning. Jan Erik Eidem Flem spelte godt i forsvar, og han jobba opp ein ball, forserte framover, og la ei pasning til Anders Tomren. Anders vendte vekk forsvarsspelaren og avslutta flott forbi målvakta til 6-2. Mange flotte HaNo-mål, men det aller flottaste må vi seie var reduseringa til 6-3. Liabygda-spelaren limte ballen opp i krysset på eit frispark.
Manuel skåra sitt fjerde mål, også det på eit knallskot opp i vinkelen, før Christoffer Longva avslutta HaNo-skåringane med ein fin prestasjon mot slutten. Med så godt angrepsspel er det lett og gløyme forsvarsdelen, så Liabygda pynta på sluttresultatet til 8-4. HaNo mønstra sine faste spelarar, utanom brørne Jonas og Marius Finstad Austnes. Bra kamp, og glimrande jobba karar!
|
