|
Gutelaget best i test
|
Gutelaget og damelaget møttest til treningskamp på Austnes grus onsdag. Det vart spelt 4*20 minutt. Gutane vann til slutt 6-0.
|
HaNo gutar - HaNo damer 6-0 (0-0, 0-0, 4-0, 2-0)
Mål: Håkon Haram 3, Mert Haram, Steven Saure og Tore Gjerde.
Dommar. Stig Frode Longva
Gutelaget stiller i år 11ar lag, noko som er svært positivt. Det same gjer sjølvsagt damelaget, men på begge lag var det mange spelarar som fekk sitt første møte med 11ar fotballen.
Det vart eit svært god treningsøkt for begge laga, der gutane etter kvart viste seg som dei kvassaste framfor mål. Dei to første omgangane enda mållause. I 3. omgang var det Håkon Haram som sendte gutane i føring med sine 3 mål.
Sjølv om gutane hadde dei fleste sjansane, vart dette også ei god økt for damene. Mange av dei yngste har aldri spelt 11ar fotball før, og den første testen på full bane var lovande. Med nokre fleire økter på stor bane vil endå meir falle på plass.
Slike treningsøkter gir mange svar på kva som må trenast på framover. Både Longva/Otterlei på gutelaget, og Ulla på damelaget fekk notert ting bak som det kan trenast meir på.
Damelaget skal allereie ut i ny kamp på laurdag borte mot Brattvåg.
|
