|
Jamnt, sjansefattig og intenst lokaloppgjer
|
Topplaget Brattvåg måtte slite for å ta 3 poeng mot HaNo/Lepsøy på Lepsøy stadion laurdag. Det enda til slutt 0-2, etter mål i det 8. og det 91. minutt. Kampen var jamn både spelemessig og sjansemessig.
|
Jamnt, sjansefattig og intenst lokaloppgjer
HaNo/Lepsøy spelte jamnt med serieleiaren Brattvåg, då dei to laga møttest under Lepsøy –dagane laurdag. På ei flott grasmatte på Lepsøya, var det likevel Brattvåg som drog i land ein knapp 0-2 – siger.
3. divisjon kvinner
HaN0/Lepsøy – Brattvåg 0-2 (0-1)
Lepsøy stadion
0-1 Ingrid Ulstein Fjørtoft (8)
0-2 Vibecke Krogsæter (90+1, straffe)
Dommar: Odd Arne Grande, Skodje
Stjerner HaNo/Lepsøy
*** Ingrid Farstad
** Trude Haram
* Vibeke Flem
Laget(4-5-1):
Ann Kristin Farstad
Emily Smith - Tone Austnes - Sybell Rogne - Marta Kjerstad
Anna Longva - Trude Haram - Ane Forr Austnes - Ingrid Farstad - Lena Farstad
Lillan Kjerstad
Nytta innbytarar:
Vibeke Flem - Julie Longva - Eirin Buner - Nathalie Vedeld Dale - Anna Austnes
Brattvåg har så langt i sesongen vore suverene i 3. divisjon kvinner. Berre eitt tap hadde dei på sine 9 første kampar. HaNo/Lepsøy hadde på si side berre ein siger før kampen laurdag. Men kampen opna jamnt, utan dei store sjansane til noko av laga. Etter 8 minutt fekk Brattvåg hjørnespark. Litt tafatt forsvarsspel frå heimelaget, gjorde at Ingrid Ulstein Fjørtoft kunne pirke ballen i mål. Heimepublikummet frykta nok det verste etter dette, og hadde nok 11-0 tapet frå serieopninga på Brattvåg KGB i bakhovudet. Men det var ingenting å frykte. HaNo/Lepsøy jobba godet over heile bana, og nekta Brattvåg å få sette i gang med spelet sitt. Når heimespelarane i tillegg turte å vere roleg med ball, og prøve å få til pasningsspel, vart det ein jamn kamp. Men dei store sjansane uteblei. Begge lag hadde nokre hjørnespark, men utan å skape det heilt store.
Avgjort i siste minutt
Etter pause var kampbildet mykje det same. Ballen var mest mellom 16-meterane, og det heile bølga fram og tilbake. Brattvåg hadde ein ball som spratt opp på tverrliggaren, og heilt på slutten small ballen i stolpen bak Ann Kristin Farstad. Det var difor ikkje urettferdig at Vibecke Krogsæter punkterte kampen med å sette ei straffe sikkert i mål etter å ha blitt felt sjølv.
For HaNo/Lepsøy var det mykje positivt å ta med seg frå kampen. Laget fungerte godt defensivt, spelarane stod løpet ut i 90 minutt, ro med ball og pasningskvalitet var betre enn på lenge og spelarane klarte å halde formasjonane sjølv når dei vart slitne.
All honnør til heile laget for innsatsen. No gjeld det å ta med seg dette inn i neste treningsveke. For neste søndag venta rein vanskeleg bortekamp mot Volda2.
|
