|
Brukte reservekreftene og vann!
|
HaNo/Lepsøy-Volda2 2-0. Ein open kamp sjansemessig, men på slutten viste heimelaget seg som sterkast. - Vi gjekk i kjellaren og brukte reservekreftene. Alle kjempa i dag, og det gir siger, oppsummerte lagkaptein Ingrid Farstad.
|
Brukte reservekreftene og vann
Ein open kamp sjansemessig, men på slutten viste heimelaget seg som sterkast. - Vi gjekk i kjellaren og brukte reservekreftene. Alle kjempa i dag, og det gir siger, oppsummerte lagkaptein Ingrid Farstad.
3. div kvinner, 03.10.10, Nordøy stadion.
Kampfakta:
HaNo/Lepsøy-Volda2 2-0 (0-0)
Mål:
1-0 Britt Tove Vedeld Molnes (80)
2-0 Nathalie Vedeld Dale (83)
God dommar: Odd Arne Grande, Skodje.
Dagens HaNo/Lepsøy-spelar: Ingrid Farstad
Juryens dom, Ha/Le:
3 poeng: Ingrid Farstad
2 poeng: Britt Tove Vedeld Molnes
1 poeng: Vibeke Flem
Volda2 opna best med tre hjørnespark heilt i byrjinga. Dei hadde sikkert planar å halde fram der dei slapp for ein månad sidan, der dei slo H/L med 4-1 på heimebane. Men H/L kom seg fint inn i denne kampen igjen, og Britt Tove Vedeld Molnes skaut rett over etter ein retursituasjon på corner vel kvarteret spelt. H/L dominerte så slutten av den første omgangen. Forsvaret og målvakt Sybell Rogne hadde bra kontroll defensivt, og heile laget viste god vilje i duellspelet.
To gode heimemålvakter
Andre omgang starta litt på same måte, der Volda2 opna best med sin sjanse etter fem minutt, men avslutninga gjekk over. Vibeke Flem og Sybell Rogne bytta plass i pausen. No inntok Sybell midtstopparplass, medan Vibeke stod bakerst med hanskar på. Ti minutt ut i omgangen gjorde ho ei kjemperedning, der ein bortespelar kom åleine gjennom. Også inngripenen på eit langskot var av den solide sorten frå Vibeke.
Reservetanken gav siger
H/L brukte igjen omgangen på å spele seg varme, vinne fleire og fleire duellar og etter kvart kom også sjansane. Lillian Kjerstad mangla lange nok tåneglar på Trude Haram sitt innlegg midt i omgangen. – Eg synest alle stod på og kjempa, og på dette tidspunktet starta vi på reservekreftene, sa lagkaptein og dagens spelar Ingrid Farstad om den perioden vi no kom inn i. For no sette trenar Kenneth Ulla innpå fleire spelarar frå benken, og desse bidrog godt i sluttfasen. Jubelen runga ti minutt før slutt, då Vedeld Molnes skaut hardt og lavt til 1-0. H/L gav seg ikkje, og innbyttarane Anna Marøy Austnes og Nathalie Vedeld Dale spela hovudrolla på mål nummer to. Anna kriga seg forbi to grøne spelarar, avslutta godt der målvakta gav retur. Nathalie var på ekte målskårar-vis påpasseleg på returen og skåra.
Tett program
Trenarane Ulla og Roar Seth gledde seg nok godt over sigeren, men ekstra over to ting i dagens kamp: For det første at laget viste god vilje og moral gjennom heile oppgjeret, og for det andre at dei som kom inn frå benken med friske bein verkeleg ville vere med på å vinne kampen for heimelaget. Dette var årets siste heimekamp, men H/L har framleis to kampar igjen av sesongen. Turar til Stranda (onsdag) og Ørsta (laurdag) gjer det til ei hektisk sesongavslutning. Men kva gjer vel det når laget er i form!
HaNo/Lepsøy:
Sybell Agathe Flem Rogne- Anna Longva, Vibeke Flem, Tone Elise Austnes, Martha Kjerstad-Britt Tove Vedeld Molnes, Ingrid Farstad, Trude Haram, Ane Forr Austnes- Julie Longva, Lillian Kjerstad.
Nytta innbyttarar: Emily Smith, Silje Vindsnes Haram, Anna Marøy Austnes, Nathalie Vedeld Dale, Cathrine Gjerde.
|
