|
Damelaget med 1-0 tap
|
Damelaget leverte det som nok var laget sin svakaste kamp no på seinhausten. Det første til eit knapt 1-0 - tap mot Stranda.
|
Dårleg start ga null poeng
3. div kvinner
Stranda – HaNo/Lepsøy 1-0 (1-0)
Stranda KGB
1-0 Stine Fivelstad (3)
Dommar: Kristian Melset, FK Sykkylven
Stjerner HaNo/Lepsøy:
*** Britt Tove Vedeld Molnes
** Ane Forr Austnes
* Linda Kristin Gjerde
HaNo/Lepsøy leverte sin svakaste kamp denne seinhausten, då det vart tap 1-0 borte mot Stranda. Særleg første halvdel av 1. omgang var langt unna det nivået som laget har vore på i det siste. Og heimelaget tok leiinga allereie etter 3 minutt. Vikarkeeper Ane Forr Austnes gjorde sin einaste feil for dagen då ein 5-metar enda i føtene på Stine Fivelstad. HL – forsvaret var umerksame, og Fivelstad sette ballen via stolpen og i mål. HL sleit med å få flyt i spelet på den raske og glatte kunstgrasbana, og det var heimelaget som var klart best første halve timen. Men så byrja HL å få betre grep om det defensive. Då kom også angrepa. Britt Tove Vedeld Molnes var nærast då ho skaut like over på ein retur etter corner.
Betre etter pause
2. omgangen vart betre frå HL si side. Med unntak av ei periode midtvegs i omgangen, då Stranda hadde nokre farlege sjansar, var HL det dominerande laget. Forsvaret var beste lagdelen denne gongen. Framover sleit HaNo/Lepsøy med å få til det spelet som har vore bra dei siste kampane. Trude Haram hadde HL si beste mogelegheit. Skotet frå 18 meter var på veg inn i lengste hjørne, men keeper redda meisterleg. På overtid var Lillian Kjerstad gjennom, men igjen vann keeper duellen. Dermed enda det med 3 heimepoeng, noko som ikkje var ufortent kampen sett under eitt. HaNo/Lepsøy har tett program for tida. Laurdag skal sesongen avsluttast med ny bortekamp mot Ørsta. Skal det bli poeng der, må både innsatsen og det offensive spelet betrast.
|
