HaNo/Lepsøy med siger i målkalas
Ørsta-H/L 2-6 H/L låg under 2-1 til pause, men spelte ein forrykande 2. omgang og vann 6-2. Julie Longva (2), Tone Elise Austnes, Anna Marøy Austnes, Lillian Kjerstad og Nathalie Vedeld Dale skåra i årets siste seriekamp for samarbeidslaget.
Avslutta med stil

HaNo/Lepsøy sitt damelag leverte ei strålande avslutning på sesongen då dei vann 2-6 borte mot Ørsta laurdag. Etter ein jamn første omgang, leverte jentene festfotball etter pause.

Kenneth Ulla

Ørsta – HaNo/Lepsøy 2-6 (2-1)
Ørsta KGB
1 - 0 straffe (25)
2 - 0 (35)
2 - 1 Julie Longva (43)
2 - 2 Julie Longva (60)
3 - 2 Tone Austnes (66)
4 - 2 Anna Austnes (73)
5 - 2 Nathalie Vedeld Dahle (78)
6 - 2 Lillian Kjerstad (80)

Stjerner HaNo/Lepsøy:
*** Trude Haram
** Britt Tove Vedeld Molnes
* Emily Smith

HaNo/Lepøsy har hatt ei tøff avslutning på sesongen. 3 kampar på 6 dagar tek på, og det var spennande å sjå om spelarane hadde klart å restituere seg til kampen mot tabellnabo Ørsta. Starten av kampen var jamn. Ørsta var gode på kontringar, medan HL skapte sjansar på dødball. Etter 15 minutt fekk HL gedigne sjansar til å ta leiinga. Presise hjørnespark skapte panikk i heimeforsvaret, og det var utruleg at det ikkje vart mål. I staden var det heimelaget som tok leiinga på eit korrekt idømt straffespark. Og Ørsta ga seg ikkje med det. Eit hjørnespark som skrudde rett i mål, ga heimelaget tomålsleiing. Men HL var heile tida med i kampen, og det vart skapt sjansar. Like før pause spelte Ingrid Farstad ein flott stikkar til Julie Longva. Ho var sikker åleine med keeper.

Festspel etter pause
I pausa vart det fokusert på å få fart og presisjon i pasningsspelet, samt at viljen til å få ballen i mål måtte opp nokre hakk. Og spelarane ga svar som det heldt! Rett frå avspark gjekk HL i angrep, og med få unntak vart dei verande der resten av omgangen. Britt Tove Vedeld Molnes fekk den første store sjansen, men åleine med keeper gjekk skotet rett i målvakta. Men HL fortsatte offensiven. Og etter kvarterer kom utlikninga. Julie Longva heada ein corner kontant i mål. Tone Austnes ville ikkje vere dårlegare. Ho fekk ein ny corner frå Vedeld Molnes servert på pannebrasken, og dermed var HaNo/Lepsøy i leiinga. Og nye angrep skapte nye sjansar. Lillian Kjerstad var frampå etter retur, men avslutninga gjekk stolpe ut. Ingrid Farstad fekk to sjansar til å skåre men lukkast ikkje. Det gjorde derimot Anna Marøy Autsnes. Anna var våken frampå etter ny keeperretur, og sette inn 4-2. Nathalie Vedeld Dale auka til 5-2 på eit flott skot frå 18 meter, før Lillian Kjerstad var kald og venta ut keeper og sette ballen i hjørnet til 2-6.

Vellykka sesong
Samarbeidslaget HaNo/Lepsøy har dermed gjort unna sin første sesong. Og trass at resultata lot vente på seg, må ein kunne seie at samarbeidslaget har vore ein suksess. Som venta tok det tid å få spelt saman eit heilt nytt lag, men stigninga har vore der heile tida. Og med 3 sigrar på dei siste 5 kampane har jentene vist at det bur mykje fotball i laget. Og med ein stall på 20 spelarar skulle alt ligge an til vidare framgang neste sesong. Avslutninga skulle i allefall gi motivasjon til å trene også komande vinter. Dette var gøy!


09/10-10
Av: Odd Einar Molnes






Jubelropet har komt seg i det siste:)


Her er gjengen som var med siste kampen



5 siste nyheter fra Damelaget: [Tabell]
Tøff bytur for damelaget.
Siger i åpningskampen.
Tøff dag på jobben for HaNo damene.
Sterkt av damelaget.
Storsiger til damelaget.


Hovudsponsorer: