|
HaNo avgjorde på slutten
|
Sunnylven leia 2-1 til pause i ein jamspelt omgang. Men igjen greidde HaNo å kome attende, og Elisabeth Longva stanga inn 3-2 med hovudet ikkje lenge før slutt. Fullt fortent, meinte jentene, etter ein solid andre omgang.
|
3. div, Sunnylven stadion:
Sunnylven- HaNo 2-3
Mål:
1-0 Kirsti F. Hauge (14)
1-1 Linda Kristin Haram (25)
2-1 (40)
2-2 Britt Tove Vedeld (48)
2-3 Elisabeth Longva (81)
Dommar: Per Helge Liset, Stranda.
Juryens dom:
3 poeng: Sunniva Tomren
2 poeng: Linda Kristin Haram
1 poeng: Elisabeth Longva
Av Odd Einar Molnes
HaNo opna overbeisande, og Trude Haram heada rett utanfor allereie etter to minutt. Men heimelaget, som har levert ein overraskande god sesong, viste etter kvart kvifor både Volda og Brattvåg har blitt sendt heim med tap på Sunnylven stadion i år. Etter åtte minutt kom dei åleine gjennom, men Sybell Rogne kom ut og hindra heimeleiing. Dei skulle likevel få 1-0. Den rutinerte og gode Kirsti Frøysadal Hauge gjorde ikkje feil då ho blei spelt gjennom etter 14 minutt.
Haram sitt tiande
HaNo-kollektivet reiste seg, og forsvaret greidde å støte betre, vinne duellar og kome inn i kampen. Midtbana jobba godt i lag, anført av heiltente Sunniva Tomren som spelte sin beste kamp for året. Ho var knalltøff i duellspelet, og hadde konstruktive løysingar med ball. HaNo utlikna fortent etter 25 minutt ved Linda Kristin Haram. Hennar tiande seriemål kom etter at Kari Longva skaut ein susar i tverrliggaren. Returen plasserte Linda kaldt i mål. Rett før pause skåra likevel heimelaget til 2-1 etter hjørnespark.
Ny solid andreomgang
Som i sist serierunde greidde HaNo å skjerpe innsatsen etter pause. Utanom ved eitt høve der Hauge var gjennom, men blei tackla, så hadde ikkje heimelaget eit einaste farleg tilbod. HaNo dominerte omgangen fullstendig. Ein turte å spele ball, og rulla opp mange flotte angrep. Mange resulterte i hjørnespark, og Britt Tove Vedeld og Tomren slo dei presist frå kvar si side. Allereie etter tre minutt av omgangen skrudde Vedeld ballen rett i mål, etter god jobbing og forstyrring av HaNo-spelarane i feltet. Trude Haram skaut i stonga etter flott Kari Longva- forabeid kvarteret før slutt. Men det var på hjørnespark det skulle avgjerast. Elisabeth Longva skåra sikkert med hovudet ni minutt før full tid, og sikra tre velfortente poeng for HaNo.
Sårbar stall
HaNo har mange skadar om dagen, og då er det kjekt at jentespelarane Ane Forr Austnes og Anna Longva startar kampen og gjer ein framifrå innsats! Ingrid Farstad gjorde comeback etter å ha vore ute på reise heile sesongen. Neste oppgåve er Brattvåg heime komande søndag. Då er det enno fleire forfall, og ein slit faktisk med å stille lag. Men HaNo heng stadig med om andre-og tredjeplassen på tabellen, og vil kjempe hardt for å få ”medalje” i årets sesong.
HaNo (4-3-3):
Sybell Rogne-Anna Longva, Elisabeth Longva, Vibeke Flem, Tone Austnes- Ane Forr Austnes, Sunniva Tomren, Britt Tove Vedeld- Linda Kristin Haram, Trude Haram, Kari Longva.
Nytta innbyttarar: Ingrid Farstad, Laila Haram.
|
