Dårleg test
|
HaNo/Lepsøy har hatt ein god treningsvinter, men sleit med å få vist noko av det i treningskampen mot FK Sykkylven fredag.
|
FK Sykkylven – HaNo/Lepsøy 6-0 (4-0)
Sykkylven KGB
Laget: 4-4-2
Sybell Rogne
Anna Longva
Tone Austnes
Silje Haram
Marta Kjerstad
Britt Tove Vedeld Molnes
Lise Fjørtoft
Ingrid Farstad
Cecilie Kalvøy
Lillian Kjerstad
Trude Haram
Nytta innbyttarar:
Eirin Buner, Emily Smith, Cathrine Gjerde, Cecilie Olsen, Seline Hoedemakers
Med vinden i ryggen var det heimelaget som tok tak i kampen frå start. Men dei skapte ikkje store sjansar framfor Sybell Rogne i HL – målet dei første 15 minutta. HaNo/Lepsøy hadde før kampen som mål å ta tak i ballen og spele fotball. Men pasningskvaliteten var svært dårleg dei første 20 minutta. Når bevegelsen utan ball og engasjementet også var labert, ja då enda det med dominans frå heimelaget si side. Til pause var det 4-0. Tre av måla kom etter at FK Sykkylven kom rundt på kant og fekk lagt inn.
Etter pause var det noko betre. HL vann noko fleire duellar, og det vart litt meir flyt i pasningsspelet. Likevel var det heimelaget som skåra 2 nye mål. Totalt sett var det ein skuffande kamp frå HaNo/Lepsøy si side. Det var rett nok første økta på full bane, og det tek litt tid å omstille seg til det. Litt nervar var det nok også inne i bildet. Like fullt må vi nok legge oss i selen på treningane framover. Innsats og tæl må i allefall vere på plass til serien startar. I tillegg skal vi terpe defensiv organisering i vekene som kjem. Vi får sjå positivt på det; vi veit vi kan mykje betre :)
|