BIL 2 med halvdusinet etter pause
Brattvåg2 var det beste laget også før pause, men vi hadde nokre farlegheiter på kontring og dødballar. Rett etter kvilen putta BIL2, og etter det gjekk gardina ned for HaNo dessverre.
HaNo- Brattvåg2 0-6 (0-0)
0-1 (47)
0-2 (50)
0-3 (55)
0-4 (63)
0-5 (74)
0-6 (80)

Juryens dom, HaNo:
3 poeng: Sindre Longva
2 poeng: Bjørnar Levi Flem
1 poeng: Jan Erik Flem

Gult kort, HaNo: Per Kristian Klokk
Dommar: Norvald Lausund, Lepsøy IL

Kenneth måtte melde forbi grunna kneskade, og Sindre stod ein enorm første omgang. Feberredninga midt i omgangen der han først berga eit skot, og tok returen med øyret på veg opp att var surrealistisk. BIL2 hadde ballen mest, og pressa godt på før pause. Men HaNo var ganske giftig i enkelte kontringar, der Asgeir var nær på den eine. Bertil Arntsen fekk ei hand på ballen, som likevel gjekk til utspel.

På dødball var vi nærme, spesielt ein Jan Egil- ball der både Alf Kåre og Michael kom flygande inn, men berre hårtustane toucha ballen. BIL2 skulle hatt eit soleklart straffespark då ein aggressiv og god Jan-Erik var uforsiktig kvarteret før pause.
Kva vart sagt i pausen, undra ein tilskodar etter kampen. Det kan vi lure på, for lufta blei totalt slått ut av oss etter pause.

Den marerittaktige omgangen starta med ei avklaring rett i beina på ein BIL2-spelar. 0-2 og 0-3 kjapt etter, sistnemnde skot frå 18 meter, stang inn Frank Dalhaug. No har vi lita tru på både pasningar, mottak og god bevegelse, slik at det var ikkje mykje vi fekk låne ballen heller. Vi hang ikkje i hop, det blei store avstandar og BIL2 spelte oss ganske rundt.

To siste skåringane er også prega av personlege feil; dårlege avklaringar. Vi er sjølvsagt endeleg ute av opprykkskampen. Brattvåg2 er kanskje på veg opp ein divisjon. Slår dei Ellingsøy heime i neste kamp er mykje gjort. Vi skal ha to gode treningsveker før vi skal avslutte sesongen på ein god måte borte mot Giske 4. oktober.

HaNo (4-2-3-1)
Sindre Longva- Jan-Erik Flem, Per-Kristian Klokk, Michael Austnes, Bjørnar Flem – Marius Finstad Austnes, Alf Kåre Longva- Manuel Hoedemakers, Jan Egil Ulla, Asgeir Nogva- Damian Zachara.
Nytta innbyttarar: Christoffer Longva, Odd Einar Molnes, Aleksander Ulla, Robin Vindsnes Haram, Mads Uri.

22/09-14
Av: Odd Einar Molnes







5 siste nyheter fra Herrelaget: [Tabell]
Tap i siste kamp
BIL 2 med halvdusinet etter pause
Heiderleg innsats mot opprykksfavorittane Ellingsøy
HaNo-Ellingsøy tysdag 1830
Topp 7 i boks sjølv om det blei tap


Hovudsponsorer: