|
Sein skåring igjen berga poenget
|
HaNo skåra tidleg i begge omgangar, men Brattvåg2 svarte raskt ved begge høve. Frank Dalhaug suste inn 3-2 tidleg i andre omgang, medan Per Jarle Fjørtoft fekk siste ordet to minutt før full tid. 3-3 blei nok eit rettferdig resultat.
|
Brattvåg2-HaNo 3-3 (2-1)
Mål:
0-1 Kenneth Ulla (4)
1-1 Kristian Johnsen (5)
2-1 Hazhin Hassan (38)
2-2 Jan Egil Ulla (47)
3-2 Frank Dalhaug (49)
3-3 Per Jarle Fjørtoft (88)
Dommar: Odd Arne Grande, Skodje IL.
Gule kort: Ingen.
Juryens dom, HaNo:
3 poeng: Cato Longva
2 poeng: Asgeir Nogva
1 poeng: Jan Egil Ulla
Kenneth Ulla sløste godt med sjansane forrige kamp, men denne gongen nølte han ikkje ved første sjanse. Innlegget frå broder Jan Egil var hardt og presist, og headinga gjorde til at vi fekk ei knallopning. Men BIL2 var ikkje utslått. Berre minuttet etter skåra Kristian Johnsen, og BIL skulle bli det førande laget sjansemessig før pause.
Lars Petter Haram og Jan Egil fekk sine halvmulegheiter etter 18 og 19 minutt spelt. Siste kvarteret dett HaNo ganske i saman, og heimelaget fører an. Henrik Åkre med god inngripen på dødball midt i omgangen. Han skulle få meir å henge fingrane i. Eit stongskot som største sjanse, før ein opplagt Hazhin Hassan lagar 2-1 til heimelaget. Dag Peter Olsen og Michael Austnes gjorde også kvar si redning på streken før Odd Grande bles for halvtid.
Andre omgang skulle bli likare for HaNo. Igjen ein god start: Asgeir Nogva bryt, og skotet hans blir det retur av, som Jan Egil set sikkert i mål. Men igjen slepp vi inn ”mål etter mål”. Arnel Colic får etter vår meining eit noko billeg frispark. Frank Dalhaug ladar skotfoten, og skyt glimrande i motsatt kryss frå ganske så skrå vinkel.
HaNo kjem meir med i duellspelet, og utover omgangen skal vi få mange sjansar til å utlikne. Om ikkje av den store sorten. Ein del lauskrut frå 14-20 meter, der vi ikkje treff heilt reint på ballen. Dagens angrep ti minutt før full tid med mange trekk og overlap på høgre av Kristian Kalvøy, gir Cato Longva ein av tre skotsjansar mot slutten. Det er likevel same mann som sist kamp- Per Jarle Fjørtoft- som får ballen inn og utliknar til 3-3 då kampuret viste vel 87 minutt. Totalt sett fortent etter ein bra andre omgang av HaNo.
Neste oppgjer er Lepsøy-HaNo kl 14 på søndag. Lepsøy har tapt knapt mot Ellingsøy og vunne solid over Godøy2/Vigra2 etter ferien. Skal det bli revansje etter vårtapet for dei blå?
HaNo (4-4-2):
Henrik Åkre- Vegard Halkjelsvik, Michael Austnes, Stian Haram, Dag Peter Olsen-Jan Egil Ulla, Cato Longva, Lars Petter Haram, Asgeir Nogva- Kenneth Ulla, Stig Frode Longva.
Nytta innbyttarar: Per Jarle Fjørtoft, Sondre Steen, Kristian Kalvøy.
|
