|
Tøff første treningskamp
|
Norborg trilla ball-i-hatt med HaNo og leia 7-0 etter den første halvtimen på kunstgraset i Uggedalen. Den siste timen var likare, men sluttresultatet 11-2 blei stygt for HaNo.
|
14.01.10, Uggedal kunstgras.
Kampfakta:
Norborg-HaNo 11-2 (7-1)
Mål:
1-0 Kristoffer Søviknes (2)
2-0 Ole Johan Urke (7)
3-0 Tarjei Urkedal (11)
4-0 Asgeir Kalvø (19)
5-0 Ole Johan Urke (23)
6-0 Alexander Eide (str. 26)
7-0 Tarjei Urkedal (30)
7-1 Jan Egil Ulla (33)
8-1 Skjalg Volstad (66)
9-1 Tarjei Urkedal (72)
10-1 Kristoffer Søviknes (79)
11-1 Ole Johan Urke (str. 82)
11-2 Cato Longva (90)
Ordet kalddusj er brukt i fotball med ei dårleg opning. Med 7-0 til heimelaget og minus 5 på gradstokken kan det passe godt å bruke her. Norborg trilla ballen kjapt på ein og to touch, og spelte ut HaNo som ikkje var ute av vinterdvalen før halvtimen var spelt. Dei oransje spelte veggspel, sette fart på ballen, og avslutningane var nådelause. Jan Egil Ulla fekk redusere til 7-1 etter vel halvtimen, og HaNo hang no mykje betre med til langt ut i andre omgang.
HaNo blei for offensive i starten, og greidde ikkje å demme opp på nokon måte. Pust og ork kom ikkje til syne før Norborg ”spakna” ein grand. Gode tendensar var det i første del av andre omgang. Forsvaret kom seg ut, og midtbanesentralane Lars Petter Haram og Åge Flem Ulla hang langt meir med på notane. Lars Åkre og Jan Egil Ulla blei også brukt meir på sidene. Norborg starta på att med skåringar midtvegs i omgangen, og 9-1 av Tarjei Urkedal var høgdepunktet med ein utsøkt chip over Henrik Åkre. Åkre gjorde sine saker bra, ingen av dei 11 baklengsmåla kan lastast målvakta.
14.januar er tidleg for kamp, og så til dei grader for HaNo denne gongen. Vi møtte eit 3.divisjonslag som framstod som betre på det aller meste på ei aldeles glimrande bane. Positiv avslutning, med debutant Aleksander Ulla si målgjevande pasning til aktive Cato Longva som fastsette sluttresultatet til 11-2.
No skal HaNo få ein vel 14 dagars treningsperiode før neste treningskamp, som er borte mot Ellingsøy.
PS! Innbytarane for HaNo var ein erfaren gjeng sånn i snitt. Dei har spelt heile 730 kampar for HaNo. Fordelt slik: Kenneth Ulla har 730, medan Aleksander Ulla, Eivind Fugledal, Kristian Furnes (ex. Norborg) og Steven Haram debuterte for HaNo FK.
HaNo (4-2-3-1):
Henrik Åkre- Kristian Kalvøy, Michael Austnes, Per Kristian Klokk, Demir Haram- Åge Flem Ulla, Lars Petter Haram – Jan Egil Ulla, Cato Longva, Lars Åkre- Stig Frode Longva.
Nytta innbyttarar: Kenneth Ulla, Aleksander Ulla, Eivind Fugledal, Kristian Furnes, Steven Haram.
|
