|
HaNo – siger på overtid
|
Eitt minutt på overtid sørga Michael Austnes for 3 fortente poeng til HaNo. Sjølv om HaNo var best dei siste 45 minutta, kunne kampen bikka begge vegar.
|
5. divisjon
HaNo – Stranda 2 3-2 (1-2)
Nordøy stadion
0-1 Mario Strecky (17)
0-2 Mario Strecky (30)
1-2 Lars Petter Haram (39)
2-2 Kenneth Ulla (83)
3-2 Michael Austnes (90+1)
Dommar: Bjarte Steinsbu, Brattvåg
Juryen sin dom:
*** Demir Haram
** Vegard Halkjelsvik
* Michael Austnes
Eit noko redusert Stranda2 – lag kom best i gang på eit tung bane på Nordøy stadion laurdag. HaNo var tafatte i opninga, og slapp gjestane lett til ved eit par høve. Etter kvart jamna kampen seg ut, og også HaNo kom til sjansar. Men Stranda2 tok leiinga ved sin bestemann, Mario Strecky. Han skapte mykje trøbbel for HaNo – forsvaret gjennom heile kampen, og bør nok vere aktuell for Stranda sitt førstelag. Han sørga for 0-1 på eit gjennomløp, og 0-2 på eit skot som endra retning i ein HaNo – spelar. I første omgang var HaNo for lite aggressive. Føtene gjekk for seint, duellspelet var for dårleg og praten fråverande. Likevel kom heimelaget til nokre sjansar. Kenneth Ulla fekk sjansen på indirekte frispark frå 7 meter, men Stranda2 fekk avverga. Same mann fekk også eit mål annulert, og Cato Longva sette ballen utanfor då han kom åleine med keeper. Det var difor ikkje ureddferdig då Lars Petter Haram sette inn 1-2 på frispark frå 18 meter.
HaNo eigde 2. omgang
I pausa gjorde trenarane Molnes/Hansen rokkeringar. Vegard Halkjelsvik vart flytta inn på sentral midtbane i eit 4-3-3 – system. Dette gjorde at HaNo fekk mykje meir tak i kampen. Stranda2 var stort sett farlege på sine kontringar. Utover i omgangen vart det tøft for Stranda2 sine 12 spelarar å halde følgje. HaNo fekk meir breidde i spelet, og det vart skapt fleire halvsjansar. Mål vart det ikkje før 10 minutt stod att. Dagen HaNo – spelar, Demir Haram, slo hardt inn frå venstre, og Kenneth Ulla flukta ballen i hjørnet. HaNo trykte på for å avgjere. Cato Longva vart spelt åleine med keeper, men keeper Henrik Bjørdal vann duellen. I andre enden fekk Stranda2 annullert eit mål i det 90 minutt. I staden var det Michael Austnes som avgjorde då han stussa eit frispark i nota eitt minutt på overtid.
Dermed 3 viktige og fortente heimepoeng. Godt gjort å snu kampen etter ein dårleg start. Men HaNo har mykje å gå på både defensivt og offensivt. Defensivt handlar det om besluttsomheit, offensivt om bevegelse og pasningskvalitet. Dommar Steinsbu delte ut heile 11 gule kort i ein kamp som var alt anna enn ufin.
Allereie onsdag er det ny HaNo – kamp. Då borte mot Giske.
|
