Nesten poeng
Cato Longva kjempa inn HaNo-leiing i andre omgang, men serieleiar MSIL svarte raskt til 1-1. MSIL hadde spelemessig klart overtak, men HaNo yppa seg i periodar på kontringar. Heimelaget fekk likevel sigersmålet åtte minutt før full tid.
5. div., avd 1, 23.06.10, Allheim stadion.
Kampfakta:
MSIL- HaNo 2-1 (0-0)
Mål:
0-1 Cato Longva (57)
1-1 Marius B. Brækkan
2-1 William Indrevåg
Dommar: Norvald Lausund, Norborg

Juryens dom, HaNo:
3 poeng: Michael Austnes
2 poeng: Per Kristian Klokk
1 poeng: Sindre Longva

HaNo lykkast greitt i å stenge for MSIL sitt giftige angrepsspel. Å stoppe toppskårar i 5. divisjon, Stian Hellevik, var eit mål HaNo i grunn greidde i 90 minutt. Calle Bernsten var toneangivande første 10 minutta for heimelaget, men HaNo ridde stormen av utover omgangen. Jonas Longva burde heilt klart fått straffespark, og tre hjørnespark på rad midt i omgangen kunne fort gitt HaNo-leiing.

Avgjorde på slutten
MSIL vann nok ballinnehav-statistikken ganske så greitt, men HaNo låg kompakt også i andre omgang. Utviklinga blei perfekt då Cato Longva med rein og skjær innsats og aggressivitet stal ballen frå keeper og midtstoppar og skåra glimrande frå spiss vinkel. Men dessverre så svara MSIL så alt for kjapt, og fekk berre meir blod på tann. Marius Brækkan skåra sikkert frå William Indrevåg sitt innlegg. Sistnemnde skåra dessverre sigersmålet også knappe ti minutt før slutt. Han slo ein knallhard corner rett i mål, berre så vidt toucha av ein HaNo-spelar. HaNo la om til fire mann oppe på slutten, men hjørnespark blei det nærmaste gjestane kom.

Keeperdebutant
Sindre Longva debuterte frå start, og stod solid for HaNo. 16-åringen er spesielt flink til å kome ut i feltet og viser god fotballforståing med sine glitrande igangsetjingar. Neste oppgåve for HaNo er Stordal borte allereie komande laurdag. Siste vårkamp er lokaloppgjeret mot Lepsøy neste onsdag.

HaNo (4-3-3)
Sindre Longva- Preben Lorgen, Michael Austnes, Per Kristian Klokk, Demir Haram- Jonas Longva, Vegard Halkjelsvik, Lars Petter Haram- Odd Einar Molnes, Cato Longva, Asgeir Nogva.

Nytta innbyttara: Audun Steen, Kristian Kalvøy, Erlend Hagen.

24/06-10
Av: Odd Einar Molnes







5 siste nyheter fra Herrelaget: [Tabell]
Tap i siste kamp
BIL 2 med halvdusinet etter pause
Heiderleg innsats mot opprykksfavorittane Ellingsøy
HaNo-Ellingsøy tysdag 1830
Topp 7 i boks sjølv om det blei tap


Hovudsponsorer: