HaNo må leve i spenning
HaNo kunne med tre poeng passere Vigra på tabellen og kome seg på trygg grunn, men Stranda blei alt for sterk og vann komfortabelt 5-0. Katastrofale opningar av begge omgangane gjorde det vanskeleg for HaNo, som må vente mange veker på avgjerda om det blir nedrykk til 5. divisjon eller ikkje.
4. divisjon:
Stranda-HaNo 5-0 (2-0)
Mål:
1-0 Christian Malmo (1)
2-0 Martin Espelund (14)
3-0 Christian Malmo (46)
4-0 Kato Vangen (60)
5-0 Sjølvmål (73)
Dommar: Jan Lund, Blindheim.

Juryens dom:
3 poeng: Michael Austnes
2 poeng: Cato Longva
1 poeng: Lars Petter Haram

Utgangspunktet på førehand var greitt: Siger måtte til, medan Vigra eller Åram/Vankam måtte ”rote det til”. Det gjorde Vigra, men det hjalp sjølvsagt så lite med HaNo sitt klare tap mot Stranda. Starten av oppgjeret kunne ikkje vore verre. Stranda vann eit par duellar sentralt i bana, rulla ut til høgre der bana sin beste mann, Christian Malmo sette ballen kontrollert i mål. Etter kvarteret kom Stranda nok ein gong rundt på høgre. Malmo la inn, og Martin Espelund styrte ballen perfekt i nota.

HaNo hang ikkje med, og sprang berre i mellom før pause. Trass i medvind greidde ikkje bortelaget å etablere noko form for angrepsspel, og defensivt hang ikkje laget godt nok i saman. I pausen prøvde ein på å justere ulike ting, men planane blei ”avliva” av nok ei kjapp skåring. Igjen var Malmo mannen som var på pletten. 3-0 etter få sekund av omgongen.

Så kom ein god HaNo-periode. 4-3-3 formasjonen med Kenneth Ulla flytta opp som angripar fungerte godt. Ulla fekk to gode tilbod, men ingen gjekk i mål. HaNo viste gode tendensar denne perioden med god jobbing, aggressivitet og mange mulegheiter skapt etter innlegg. Men Kato Vangen kom inn for heimelaget og la på til 4-0 på ei kontring. 5-0 stod ein HaNo-spelar for, men i eige mål etter innlegg frå sida.

Som i 2007, så enda HaNo på 11.plass i 4. divisjon. Det tyder nedrykk dersom Aafk2 (om Aafk står i Tippeligaen) eller Brattvåg ikkje slår sin motstandar frå Nordmøre/Romsdal i kvalifiseringa om opprykk til 2. divisjon. Det vil seie at HaNo nesten må vente til advent før ein veit kva divisjon ein spelar i sesongen 2009.


HaNo (4-4-2):
Lasse Buch- Kent Inge Klokk, Michael Austnes, Kenneth Ulla, Vebjørn Steen –Åge Flem Ulla, Lars Petter Haram, Cato Longva, Asgeir Nogva- Alexander Eide, Stig Frode Longva.

Nytta innb.: Richard Hansen, Dag Peter Olsen, Vegard Halkjelsvik, Kristian Kalvøy.

11/10-08
Av: Odd Einar Molnes







5 siste nyheter fra Herrelaget: [Tabell]
Tap i siste kamp
BIL 2 med halvdusinet etter pause
Heiderleg innsats mot opprykksfavorittane Ellingsøy
HaNo-Ellingsøy tysdag 1830
Topp 7 i boks sjølv om det blei tap


Hovudsponsorer: