|
Starta godt – utspelt til slutt
|
HaNo-Skodje 0-6. HaNo spelte jamt og vel så det med topplaget Skodje dei første 25 minutta. Så kom baklengsmålet, og då knakk heimelaget i saman. Ein greidde ikkje å løfte seg noko særleg utover, og det enda med ganske stygge siffer.
|
Nordøy stadion, 5. divisjon:
HaNo- Skodje 0-6 (0-3)
Mål Skodje:
Eivind Erstad 2, Tobias Sortehaug, Stefan Aasen, Eirik Hjelvik og eitt sjølvmål.
Dommar: Alf Furland – myndig og god.
Dagens HaNo-spelar: Lars Petter Haram
HaNo opna kampen godt, med gode tendensar spelemessig. Kantane kom delvis med, og forsvaret hadde god kontroll. Lars Petter Haram fyrte av etter kvarteret, men skotet gjekk i tverrliggar og inn att på bana. Demir Haram fekk ikkje stokka beina godt nok på returen. Også Håkon Haram fekk ein brukbar sjanse, men blei for ubesluttsom i avslutninga.
Moralen datt
Skodje får ein feilaktig idømt corner 25 minutt ut i kampen. Som alt for mange ganger før i år, er det på andreballane ettet dødball det skjer. Då gjer skodjeangriparen eit spektakulært brassespark til 0-1. HaNo tålte ikkje dette baklengsmålet. Når 11 mann dett ned 10-15 % i innsats og kvalitet blir det mykje tilsaman. For no køyrer Skodje på og gjer to mål til før pause. Det eine eit sjølvmål, før toppskårar Erstad puttar sikkert.
HaNo håpte på kjapp redusering etter pause, men får ikkje nok sjansar og trykk framover til at det skjer. I staden blir det utover omgangen større Skodje-dominans, og dei greier å skåre tre mål til. Bjørnar er nærmast redusering då han skar inn frå venstre, men skotet blei redda.
Neste kamp startar på stillinga 0-0, og då må ein greie å halde fram med å spele vårt spel sjølv om vi evt skulle ein baklengs. Emblem er motstandar då, fredag 1. juli på Nordøy stadion.
HaNo:
Pål Forr Austnes
Audun Steen (Per Olav Sunde 85)
Per Kristian Klokk (Bjørnar Flem 65)
Michael Austnes
Kristian Kalvøy (Mert Haram 85)
Odd Einar Molnes (Sindre Longva 46)
Vegard Halkjelsvik
Lars Petter Haram
Håkon Inge Haram (Mads Uri)
Demir Haram (Sindre Longva 57)
Vebjørn Steen (Olve Steen)
|
