Herrelaget tapte 4-3 mot BIL2
HaNo leia 0-2 på Brattvåg kunstgras etter to Stig Erik Nogva-mål, men BIL2 reduserte på ei trassig dommaravgjerd rett før pause. BIL2 dominerte stort eter kvilen, og leia 4-2. Mads Uri reduserte til 3-4 rett før dommaren bles av.
Brattvåg kgb, 5. divisjon:
Brattvåg2-HaNo 4-3 (1-2)
Mål HaNo: Stig Erik Nogva 2, Mads Uri
MÅL BIL2: Martin Sundnes 3, Roger Dalhaug.
Dommar: Palmar Blindheim, Blindheim.

HaNo stilte med eit meget uerfarent lag, og med forfall frå LP Haram og Michael Austnes også, så var det mange med lite speletid frå tidlegare som starta kampen. Og det kan vere sagt med ein gong: Dei gjorde ein innsats langt over det forventa. HaNo la seg bakpå, og BIL2 trilla ball. HaNo fekk sine kontringar, og Stig Erik Nogva brukte både fart og styrke til å ta HaNo op i ei overraskande 0-2 leiing.

Innsatsen var god, og vi slapp ikkje BIL2 til gedigne målsjansar. Så kom den fatale reduseringa som sette fart i heimelaget. Storskårar Martin Sundnes nytta handa for å få med seg ballen inn i straffefeltet. Deretter blir han skvisa mellom to HaNo-forsvarar, og dommaren ser dessverre ikkje den soleklare handsen. Skuffande metodar for å skaffe straffe og mål, men HaNo beheldt nokolunde fatninga, og greidde å halde vidare tett før pause.

Etter pause var det berre eitt lag på banen kva spel og sjansar angår. på 2-2 var Pål Forr Austnes uheldig då ballen spratt over han og i mål. Men Pål gjorde fleire imponerande redningar som heldt oss inne i kampen både før og etter utlikninga! 3-2 kom også, då HaNo etterkvart blei alt for slitne til å henge med i svingane. Fotrappe Haszhin blei felt, og Sundnes skårar sikkert frå 11-meteren. Same Sundnes fekk eit spelemål også, då Oddmund Otterlei fann han i feltet.

Mads Uri reduserte på overtid, men vi rakk ikkje fleire angrep. Ein fullt fortent heimesiger, forøvrig med same siffer som i vårkampen på Austnes. Det var likevel moro så lenge det varte. Vi stod på og jobba godt. Karane arbeidde etter planen, og vi skal plukke fleire poeng utover hausten.

HaNo:
Pål Forr Austnes
Kristian Kalvøy
Per Kristian Klokk
Robin Haram
Olve Steen
Mads Uri
Daniel Grebstad
Odd Einar Molnes
Sindre Longva
Håkon Inge Haram
Stig Erik Nogva

Nytta innbyttarar:
Mert Haram, Kent Inge Klokk og Per Olav Sunde.


18/08-11
Av: Odd Einar Molnes







5 siste nyheter fra Herrelaget: [Tabell]
Tap i siste kamp
BIL 2 med halvdusinet etter pause
Heiderleg innsats mot opprykksfavorittane Ellingsøy
HaNo-Ellingsøy tysdag 1830
Topp 7 i boks sjølv om det blei tap


Hovudsponsorer: