Tap mot Ravn
Det var lenge jamt på Ravn stadion, men heimelaget ville mest i dei avgjerande situasjonane. Håkon Haram reduserte til 1-2 etter hjørnespark, men til slutt blei sigeren komfortabel for heimelaget.
Ravn stadion, 5. divisjon:
Ravn 5-1 (1-0)
Mål:
1-0 Anders Berg (37)
2-0 Anders Berg (56)
2-1 Håkon Haram (65)
3-1 Trond Hamre (73)
4-1 Stian Stokke(81)
5-1 Stian Stokke(84)
Dommar: Norvald Lausund, Lepsøy IL.

Ein kan trygt seie at sesongen har gått i berg- og dalbane for både Ravn og HaNo i år. Sikkert er det at begge spelar i den nyoppretta 6. divisjon neste år. Nesten alle lag rykkjer ned ein divisjon, kun dei fire beste overlever i 5. divisjon.

Berg på hogget
Kampen på fredag var lenge jamn, men då Anders Berg kriga inn eit godt Trond Hamre-forarbeid, kom heimelaget i føringa. Sindre Longva og Demir Haram skapte ein del på topp for HaNo, men dei lyseblå greidde ikkje å skåre før pause. Mads Uri kunne også ha gitt HaNo leiinga, men avslutninga etter dødball blei for svak. HaNo hadde tilløp til mykje godt spel i store periodar, men når vi nærma oss 16-meteren til Ravn blei vi for halvhjerta.

HaNo yppa seg
Også etter kvila var det tett og jamt, men igjen var det Berg som stal showet. Innlegget frå høgre set han hovudet på, og dermed er Ravn to mål føre. HaNo greidde denne gongen å svare. Corneren er innom fleire, før Håkon Haram får ballen i mål. Reduseringa er eit faktum, og like etter vil bortelaget ha hands innanfor straffefeltet, men dommar Lausund er ikkje samd.

Tøffe kampar att
Ravn tar meir og meir over, og er farlege kvar gong dei er i angrep i denne fasa av kampen. Trond Hamre avgjer i grunn oppgjeret etter gjennomløp og sikker avslutning 20 minutt før slutt. HaNo sitt forsvar stoppar opp og vil ha offside, men det hjelp som vi veit lite. Ein ung Ravn-spelar blir tomålsskårar på slutten, og symboliserer at Ravn ville mest denne kampen. Ravn kraup dermed oppover på tabellen, og med kampar mot Norborg2 og Brattvåg2 att på programmet har dei sjanse til å passere oss også no på slutten. HaNo spelar kamp allereie i morgon måndag borte mot serieleiar Skodje. Serieavslutninga for HaNo er om halvannan veke mot Emblem, også det på bortekunstgras.

Seks 17-åringar frå start
Ingen tvil om at desse kampane blir tøffe. Bonus om vi greier å ta poeng her. Men vi skal halde fram med å tørre og spele ball! Øve oss på fokusområda som trenar Ivar Fjørtoft har om dagen. Vi har gode treningar om dagen, og bygge vidare til neste år. I start11-aren nedanfor finn du seks (!) spelarar fødd i 1994, og to av dei som kom inn er 95-modellar.

HaNo:
Pål Forr Austnes
Olve Steen
Per Kristian Klokk
Robin V Haram
Kristian Kalvøy
Håkon Haram
Odd Einar Molnes
Michael Austnes
Håkon Haram
Demir Haram
Sindre Longva

Nytta innbyttarar: Per Olav Sunde, Mert Haram og Thomas Flem.



02/10-11
Av: Odd Einar Molnes







5 siste nyheter fra Herrelaget: [Tabell]
Tap i siste kamp
BIL 2 med halvdusinet etter pause
Heiderleg innsats mot opprykksfavorittane Ellingsøy
HaNo-Ellingsøy tysdag 1830
Topp 7 i boks sjølv om det blei tap


Hovudsponsorer: