Ny siger mot Giske
HaNo sitt herrelag møtte Giske til ny dyst mandag kveld, denne gong på ei strålande grasmatte på Giske. Kampen endte med same siffer som 3 dagar tidligare, 5-2 til HaNo. Målskårarar denne gong var Michael Austnes, Jan Egil Ulla, Pedro Silva, Odd Einar Molnes og Sindre Longva. Referat frå avisa Øy-Blikk finn du her.
Giske med 2-5 mot HaNo for andre gong på fire dagar.


Giske har hatt ein tung sesong reint resultatmessig og står berre med 3 poeng. Mandag kveld gjesta HaNo Nestun stadion, og før kampen var optimismen stor. -Vi har alltid trua, seier Giske-trenar Olav Ståle Johansen. Vi tapte 2-5 mot dei på Nordøy Stadion på fredag, og målet er å revansjere det tapet. Det er vi gode nok til!


Ganske jamt
Og dei første 30 minutta kunne det sjå ut som om Giske faktisk var gode nok til å hevne bortetapet i det strålande sommarveret på Nestun. Giskekeeper Axel Njord Giske måtte rett nok drage fram eit par feberredningar for å halde nullen, men heimelaget hevda seg bra. Norvald Avseth var frisk på topp for Giske, men sleit med å kome gjennom mot eit rutinert HaNo-forsvar. Etter 33 minutt sprakk derimot bobla, og det stod 0-1 til HaNo etter corner.

Tynn spelarstall
Giske har slite heile sesongen med lite spelarar, og då Vegard Flåen måtte gi seg med strekk etter om lag 40 minutt, fekk dei mannskapsproblem. Reservekeeper Øyvind Rabbevåg steppa inn, men bedyra etter kort tid at ”dette held ikkje lenge!” Og det fekk han rett i. Like før pause putta HaNo-spiss Jan Egil Ulla enkelt til 0-2, som også vart pauseresultatet.

Jobba og sleit
Andre omgang starta omtrent som den første, med mange tøffe duellar og jamt spel. Etter om lag 55 minutt runda Sondre Giske HaNo sin venstreback, etter ein flott stikkar frå Stian Johansen, men sjansen rann ut i sanden. Og det var nettopp dette som var tilfellet resten av kampen også. Spesielt på høgresida hadde heimelaget mange fine løp og fekk fleire
frispark i farleg posisjon, men utan å klare å utnytte sjansane. I staden vart det både 0-3 og 0-4 til HaNo, som dominerte meir og meir utover i omgangen.

Ei mager trøyst
Heimelaget var nok aldri i nærheita av å hente inn igjen leiinga, men det pynta på resultatet då Øyvind Midtun sette inn 1-4 på frispark etter 75 minutt. Hjalp på gjorde det også då Audun Grøtta Giske trygt plasserte ballen i mål på straffe til 2-5, som også vart sluttresultatet. – Eg synest eigentleg vi gjer ein god kamp i dag, seier Giske-trenaren. – Vi har mykje godt spel, og det skal vi ta med oss vidare!

13/08-12
Av: Lars Åkre







5 siste nyheter fra :
J16 nekter å tape
J16 med bragd.
HaNo - Hødd
Tilbake til kvardagen
Årsbeste av J16


Hovudsponsorer: