Uavgjort for HaNo damene.
Det var Hasundgot som jubla mest etter at kampen på Nordøy stadion endte uavgjort.
Dei første 20 minutta var ganske jamnspelte i kampen mellom HaNo og Hasundgot, men så greidde våre damer å tilrive seg eit lite overtak i spelet.

Etter 30 minutt fekk Kamilla Standal ballen midt på Hasundgot sin halvdel. Ho passa den til Marianne Ulla, som sendte den i ein fin boge over Hasundgot sin keeper og i mål.

Men det gjekk ikkje lenge før Hasundgot utlikna. Siri Holm Sundgot fekk ballen på 8 meteren, og ho sendte ballen kontrollert i mål, til høgre for ei utspelt Hanna Sylte i mål.

Etter 41 minutt får HaNo corner frå høgre. Den tek Trude, og ho finn pannebrasken til dagens HaNospelar Eli Rogne, som styrer den kontrollert via stanga og inn. Dette var utan tvil dagens prestasjon.

I omgangens siste minutt fyrer ein Hasundgotspelar ballen i tverrliggaren, men omgangen ebber ut med 2-1 leiing til HaNo.

I andre omgang er det mykje HaNo som dominerer spelet. Allereie etter 2 minutt skyt Beate Nogva eit fint skot som keeperen reddar. Returen er det svært nær at Solveig Aksnes set i mål, men keeper er i vegen igjen.

Etter 15 minutt spelar Judith Vestavik før nemnte Solveig Aksnes fint igjennom, men åleine med keeper greier sistnemnde å avverge scoring.

I det 26 minutt greier Kamilla Standal nesten å trakle seg igjennom Hasundgot sitt forsvar, men keeper reddar nok ein gong.

Ein Hasundgot spelar prata i det 24 minutt på seg gult kort frå kampens gode dommar, Christian Rønning, og når ho då etter 30 minutt i protest skyt vekk ballen etter at han har blåst, har han ikkje noko valg. Korrekt raudt kort.

HaNo har i denne perioden full kontroll på kampen, men etter 39 minutt får ein Hasundgot spelar kjempetreff, og frå skrått hald fyk ballen i ein fin boge over Hanna Sylte i HaNo målet.

Mi meining er at HaNo var det beste laget, men som alle veit må ein score mål for å vinne fotballkampar.

Begge lag hadde sjansar nok til å avgjere kampen, men heimelaget hadde nok fleire enn gjestane.

HaNo:Hanna, Eli, Amalie, Solveig, Judith, Beate, Trude, Ane, Iselin, Jeanette, Kamilla, Marianne, Sofie, Veronika F, Veronika N.

Dommar: Christian Rønning

Dagens HaNo spelar: Eli Rogne

Stjerner utdelt av vår eminente banespeaker Jonny Sylte:

*** Amalie Vindsnes Haram
** Eli Rogne
* Judith Malen Vestavik


30/05-13
Av: Hallgeir Remme







5 siste nyheter fra :
Kretsmesterane imponerte.
J16 nekter å tape
J16 med bragd.
HaNo - Hødd
Tilbake til kvardagen


Hovudsponsorer: