Bortetap for damelaget.
HaNo sitt damelag tok den lange turen til Ørsta søndag, men fekk desverre ikkje med seg poeng heim.
I starten av kampen var det forholdsvis jamnt spelmessig i kampen. Begge laga hadde sine sjanser, og begge hadde skot i stengene.

Etter 37 minutt er det HaNo som tek første stikk. Avtroppande trenar Sonja Pernille Tomren speler sin siste kamp for sesongen, go ho avslutter med stil. Ho får ballen på høgrekanten, og på nydelig vis løfter ho ballen i over Ørsta sin keeper og i mål. 1-0 til HaNo.

Det tek berre 2 minutt før Ørsta sine damer svarer. Eit gjennomspel frå midtbana blir ekspedert i mål bak Siri, HaNo sin gode keeper.

Til pause stend det 1-1.

Andre omgang starter omtrent som første, kanskje med eit lite overtak til heimelaget Ørsta. Det virka som om dei \"kunde bana\" litt betre enn våre damer. Pasningane deira traff litt oftare enn våre, og det var ikkje veldig ufortent når dei 12 minutt i andre omgang kombinerte seg fint gjennom midten og scora sikkert.

Etter 26 minutt kjem ein Ørsta seg til linja på høgresida. Ho legg ballen fint 45 grader ut, og det blir scora sikkert.

Alt i alt var det vel kanskje ein fortent siger til Ørsta.

Som nemnt tidligare reiser vår gode trenar Sonja no til sommaren, og det er på sin plass å takke for flott innsats som spelar, og god jobb som trenar.

HaNo:Siri, Lise T, Judith, Trude, Julie, Amalie, Nathalie, Kamilla, Sonja, Jeanette, Silje, Anne Marte og Solveig.

Mål HaNo: Sonja Tomren.

15/06-14
Av: Hallgeir Remme







5 siste nyheter fra :
J16 nekter å tape
J16 med bragd.
HaNo - Hødd
Tilbake til kvardagen
Årsbeste av J16


Hovudsponsorer: