|
J14 med bragd i Km i Futsal.
|
J14 reiste til Larsgådshallen laurdag for å spele KM i futsal.
Det var B-sluttspelet som skulle avgjerast. Det gjekk i grunnen veldig bra; mej vann heile skiten!
|
J14 laget besto i dag av Helene, Emilie, Ragnhild, Ingrid, Charlotte, Tea, Elisa og Albertine.
Ikkje med på KM, men ein stor del av laget er og Martine, Rebekka og Anna.
Trenarar for laget er Lidvar og Hallgeir, og Roy er oppmann.
Vi åpna turneringa litt rolig, med 0-0 mot Valldal. Dette var i grunn ein ganske sjanserik kamp, men 2 gode keeperar hindra scoring.
I kamp 2 vart vi liggande under 1-0 mot Langevåg 2, men produserte minst like mange sjanser som dei gjorde, og det var Ingrid som snappa ein retur frå keeper og sette inn utligninga og berga eit svært viktig poeng for våre jenter.
Desse to kampane kom svært tett, men so fekk vi oss ei god pause, med tur til Moa og litt shopping.
Etter denne pausa var det Skodje som sto på andre halvdelen. Etter full tid i denne kampen stod det 3-1 til HaNo, og det var fullt fortent. Kanskje vår beste kamp i turneringa.
Langevåg 1 var neste motstander, og også her var våre jenter best. 2-0 til HaNo vart resultatet i denne kampen.
I siste kamp møtte vi Hareid, og det var også ein sjanserik kamp. Eit lite minutt før slutt er det Hareid som scorer, men HaNo er likevel klar for sluttspelet som består av semifinale, og finale eller bronsefinale.
I semifinalen møter vi Stranda. Eit godt strandalag. Den beste lagdelen vår i denne kampen var forsvaret, med ei Helene bakerst som var i det umulige hjørnet. Ho tok absolutt alt som kom, og når då vi greidde å sette ein ball bak Stranda sin gode keeper, var HaNo klar for finalen.
I finalen skulle vi møte eit lag som vi hadde møtt tidligare i turneringa. Hareid. Det einaste laget som hadde slått oss. Jentene var supergira. Vi gjekk ut tøft, og det gjorde Hareid og. Det vart ein veldig spennande finale. Dei første til å score var Hareid, og ein kan ikkje seie det var heilt ufortent. Men HaNo kom tilbake, og Ingrid utlikna kort tid etter.
Nokre minutt seinare var Hareid frampå igjen og sette ballen bak HaNo sin gode keeper, Helene Kalvøy. Men 6 minutt før slutt krangla Ingrid ballen i mål, og det sto 2-2. Dette var utrulig spennande.
Bjørn Oskar Haukeberg frå Sunnmøre Fotballkrets var til stades på turneringa, og han hadde poengtert før kampstart at dersom det stod uavgjort ved full tid var det antal frispark du hadde fått som skulle avgjere kven som vann kampen.
Tellinga av frispark var enkel: Hareid hadde laga 2 og HaNo hadde ikkje laga eit einaste.
Dermed vart HaNo sitt J14 lag vinnar av B-sluttspelet i år. Ein stor prestasjon, og vi gler oss veldig til sesongen tar til.
Underteikna tek sjølvkritikk på at han var so oppjaga at han ikkje fekk notert målscorarar, men det var først og fremst laget som vann. Ingrid er nemnt som målscorar, og det var ho som scora absolutt dei fleste.
Forsvaret med forsvarssjef Ragnhild må nemnast som ein solid lagdel, og ikkje minst keeper Helene som spelte ei stor turnering, og ho fekk og æra av å heve pokalen til slutt.
Godt gjort jenter.
|
