|
Veldig godkjent av jentelaget
|
HaNo meldte i år J15 lag på i serien, med løfte frå kretsen om at det ville bli en serie for desse. Det blei det ikkje, så dei spelar i J16 serien, og i dag tok dei turen til Hessa for å spele første kamp.
|
Kampen åpna jamnt, og dei første minutta var det nok Hessa som hadde eit spelemessig overtak. Men dei kom aldri til dei veldig store målsjansane, og når Martine skaut sitt andre skot for dagen var det HaNo som tok leiinga.
Ho fekk ballen midt på motstandar sin halvdel, drog seg litt mot venstre og sette ballen inn ved nærmaste stolpe. Fint mål.
Rett etter kom Hessa på sin venstrekant, og ballen som vart lagt inn endra retning og gjekk i mål bak Rebekka. 1-1
Dette sto seg i 10 minutt, og midt i omgangen kom Martine på hald igjen, og denne gongen netta ho sikkert frå ca 15 meter. Flott mål.
Vidare utover omgangen var det HaNo som styrte spelet på flott vis, og dei kom og til fleire sjanser. Blant anna traff Ingrid stolpen med eit fint skot. Veldig bra periode av HaNo dette her.
Det føltes derfor ikkje heilt fortent når Hessa scora eit fint mål mot slutten av omgangen og sette pauseresultatet til 2-2.
I andre omgang var det Hessa som kjaure i starten. Eit kvarter ut i omgangen hadde dei scora 2 mål, og leia dermed 4-2. I denne perioden var Hessa gode.
Men HaNo viste styrke og jobba seg inn i kampen igjen. Flotte mål av Charlotte og Tea gjorde at 10 minutt før slutt var stillinga 4-4. Godt gjort av HaNojentene.
Eit skot av Hessa frå nesten midtbane som traff ein spelar og gjekk i ein fin boge over alle og i mål rett etter utlikninga vår, tok nok litt lufta ut av våre jenter. Og få minutt seinare scora dei eit fint mål og fastsette sluttresultatet til 6-4 til Hessa over våre jenter.
Det var slett ingen flokk med misfornøgde jenter som satte kursen mot Skjelten etter kampen. Greit nok at vi tapte kampen, men der var so mykje å glede seg over at dette ser vi lyst på. Gode angrep, og ei Ragnhild som spelte bunnsolid i forsvar gir løfte om at dette kan bli ein kjekk sesong.
HaNo: Rebekka, Ragnhild, Helene, Ingrid, Martine, Charlotte, Albertine, Emilie, Tea og Elisa.
Mål HaNo: Martine (2), Charlotte og Tea
|
