Tap mot Sunnylven
Damelaget tapte idag 7-1 i Hellesylt. Sunniva Tomren var HaNo FK sin målskårer.
HaNo reiste til Hellesylt søndag med ei noko redusert tropp,men alle var innstilte på at Tone som spelte sin siste kamp for HaNo i denne omgang, skulle få ein fin avskjed før avreisa til Australia.

Slik skulle det ikkje gå. Allereie ved midtstreken før kamp kunne ein kanskje ane korleis dette skulle gå. HaNo vann myntkastet, men fekk ikkje velje side????.

For å skape tryggheit var det ynskje om medvind i fyrste omgang, men dommaren ville det altså annleis. UTRULEG!!
Kvar har du lært det dommar Liset?

Likevel var det dei personlege feila som skulle felle HaNo denne kampen. Spelarane verka usikre og hadde svært høge skuldrar. Sleivspark og passivitet i duellane prega mange, og det var også slike feil som resulterte i 4 baklengsmål før pause.

Spelemessig var det relativt jamnt, men Sunnylven var kjappare, sterkare i duellane og meir presise. Utanom dei 4 måla klarte dei likevel ikkje å skape det heilt store fram for HaNo-målet.

I pausa var det semje om å gå ut og ta tak i kampen. Det motsatte skjedde. Passivitet, puslete duellspel og dårlege avklaringar gjorde at Sunnylven fekk lett spel. HaNo fekk nye 3 mål mot seg i løpet av 8 minutta av omgangen.

HaNo prøvde likevel å avlutte kampen på skikkeleg vis, og HaNo si redusering kom etter fint spel frå HaNo der Britt finn Sunniva med eit innlegg som ho ekspederar fint i mål.

Kampens store spelar var Kirsti Frøysadal Hauge som skåra Sunnylven sine 6 siste mål. Sunnylven sitt fyrste mål vart skåra av Jannicke Gjerde.

Både trenar og spelarar må no gå i seg sjølve for å skape opptimisme og \"guts\" framfor dei tre neste kampane mot Spjelkavik, Brattvåg og Åram. Jobben startar på treninga fyrskomande fredag.

HaNo:
Maria, Anna L, Tone, Sybell, Silje, Emily, Ane, Britt Tove, Sunniva, Elisabeth, Trude.

Nytta innbytarar: Kristin, Elisabeth Y, Siri, Seline.

Stjerner:
*** Britt Tove
** Tone
* Sunniva

01/06-09
Av: Kenneth Hansen







5 siste nyheter fra :
Kretsmesterane imponerte.
J16 nekter å tape
J16 med bragd.
HaNo - Hødd
Tilbake til kvardagen


Hovudsponsorer: