Ei veke til HaNo-dagane
Neste torsdag startar årets HaNo-dagar, som skal vare 4 dagar til endes. Sjølvsagt er det på laurdag og søndag det meste skjer. Noko er som før, og noko er nytt av året. Pr dato har vi 35 standar klare, noko som er rekord.
Torsdag 3. september skal nokre av HaNo sine seniorar stille som instruktørar når vi får besøk av eit lag med utviklingshemma ungdommar frå Vietnam. Dermed er også årets HaNo-dagar i gang.

Fredag vert det diskotek på Haramsøy samfunnshus for dei mellom 7 og 15 år.

Laurdag opnar messa med 35 utstillarar pr dato. Vi har framleis nokre på vent, så det kan verte fleire. Vi kjem attende med lista over utstillarar, men kan røpe så pass mykje at det er stort spenn i det som blir presentert.

Heile helga vert det ulike aktivitetar. Vi kan nemne sumo-bryting, gladiatorkamp, leikerom med ballborg, utescene med underhaldning, kuskitbingo mm

Søndag satsar vi på å presentere alle yngreslaga med trenarar og oppmenn i pausa på herrekampen. Vi ber alle yngresspelarar med trenarar og oppmenn om å møte opp seinast kl 15.30 ved kiosken på stadion. Spelarane vil få på seg drakt-overdelar. Trenarar og oppmenn kan gjerne ha på seg HaNo-jakke eller liknande.

Det vert ikkje dans i år. Det er vanskeleg å få vakter, og det er ikkje så triveleg å vere vakt heller.
I staden satsar vi på å arrangere rusfri ungdomskveld laurdag på Sjøbuda på Austnes. Programmet er ikkje heilt klart, men det kan verte karaoke, quiz, stein-saks-papir - mesterskap eller noko i den dur. Dette blir for dei frå 9. klasse og oppover.
Vi håper og trur at dette skal bli ein kjekk kveld.

Søndag er det messe med aktivitetar som laurdag, pluss nokre ess vi har i ermet.

Godt ver er bestilt, så då er det berre å gle seg! Målet må vere meir enn 900 besøkjande i løpet av helga.Så inviterer fjern og nær slekt til å ta turen!

27/08-09
Av: Kenneth Ulla







5 siste nyheter fra :
Kretsmesterane imponerte.
J16 nekter å tape
J16 med bragd.
HaNo - Hødd
Tilbake til kvardagen


Hovudsponsorer: