|
G16 med tap for Ravn
|
Gutelaget tapte 5-2 då dei tok imot Ravn på Rogne.
|
Kampen starta jamnt då HaNo/Lepsøy tok imot Ravn til årets tredje seriekamp for gutelaget.
Dei første minutta var ballen mykje på midtbana, og ingen av laga klarte å kome til dei heilt store målsjangsane. Den første store sjangsen kom etter seks minutt, då ravn spelte ballen i bakrom mot ein rask spiss, men heldigvis for HaNo var Robin Haram med på notane og fekk avverga til innkast. Etter dette hadde begge lag sine skudd på mål, men ingen so var spesielt farlege.
Første målet kom då Mads Uri braut høgt og tok med seg ballen framover i bana, og på ein utrusande keeper gjorde han ingen feil. Vendte vekk og sette ballen sikkert i mål. 1-0 til HaNo etter halvtimen. Men allereie fem minutt seinare utlikna Ravn. Eit skudd frå rondt 20 meter fekk ein lei sprett, og keeper Sindre Longva vart utspelt. Dette kom i ei periode då HaNo hadde ballen mest og pressa på for å auke leiinga.
Andre omgong starta med to raske mål til Ravn. 2-1 fekk dei på eit gjennomspel allereie etter eit halvt minutt. Fem minutt seinare fekk dei 3-1 på straffe, etter at ein Ravn spelar vart lagt ned inne i feltet. Etter dette målet fekk HaNo sett presset høgt i bana igjen, og skapte fleire gode sjangsar.
Dagens prestasjon kom då Martin Gjerde tok med seg ballen frå midten, og når han kom på 30 meters hald klinka han til, og ballen gikk i ein fin boge over keeper. Vakkert.
4-2 kom på eit uheldig sjølvmål berre to minutt seinare. Men gutane fortsatte presset, og både Håkon Haram og Sindre Longva hadde gode skuddforsøk. 5-2 kom på overtid på eit innlegg etter at HaNo hadde tømt seg framover.
Sjølv om det vart tap mot eit godt Ravn-lag, viser gutane god moral og godt humør. Og sjølv om dei to siste kampane har vorte tap, so er det HaNo som har dei fleste sjangsane og mest banespel. Det skal me ta med oss vidare i neste kamp, som er på fredag borte mot Ellingsøy.
|
