|
Tap i jamn kamp
|
Gutelaget tapte 3-0 i ein jamn kamp borte mot Brattvåg, fredag.
|
Fredag spelte gutelaget sin første kamp etter sommar pausa, og på ei våt og sleip kunstgrasbane i Brattvågen viste gutane både innsats og god moral. Sjølv om banespelet var ganske jamt, var det Brattvåg som klarte å omsetje sjansane sine i teljande resultat.
HaNo/Lepsøy starta kampen best, og allereie etter 3 minutt kunne gutane leia 1-0, då Tore Johan Gjerde slo eit frispark i feltet. Men sjølv om tre HaNo/Lepsøy spelarar prøvde å sette ei tå på ballen, trilla den rett utom eine stolpen, og til utspel frå keeper. Etter dette tok Brattvåg litt over banespelet, men utan å skape nokre sjansar.
Etter 20 spelte minutt kom 1-0 ved at det vart slått ein stikkar gjennom forsvaret til HaNo/Lepsøy, som ein Brattvåg angripar sette sikkert forbi Sindre i målet. 2-0 kom rett etterpå, når eit skot frå ca 18 meter skaut fart på den våte bana, og i lengste hjørnet for keeper. Men etter dette løfta HaNo/Lepsøy seg og var det beste spelande laget resten av kampen.
Rett før pause fekk HaNo/Lepsøy to store sjansar til å sette ballen i nota, men begge forsøka til gode Tore Johan gjekk i ”treverket” og ut. Det første var eit godt angrep frå gutane, som Tore sette i krysstanga frå 10 meter, og det andre var eit frispark, som vart sett i tverrliggaren frå rundt 25 meter.
Andre omgong starta slik som den første enda, nemleg med at HaNo/Lepsøy var best i banespelet, men klarte ikkje å sette sjansane. Noko som har vore i fleire kampar i år. 16 minutt ut i omgangen, kom Pål Forr Austnes seg laus på hjørnet av 16-meteren, og knalla ballen på innsida av stolpen og ut til retur, men uheldigvis for HaNo/Lepsøy klarte ikkje Jan Tore Hansen å sette ballen i mål for ein meters hald. Det skal seiast at han vart godt pressa når returen skulle setjast.
10 minutt før slutt, punkterte Brattvåg kampen, då dei sette inn 3-0 etter litt klabb og babb inne i HaNo/Lepsøy sin 16-meter.
Alt i alt skal gutane vere veldig fornøgde med innsatsen og moralen i denne kampen! Alle stod på og jobba for kvarandre, sjølv om det kom mål imot, i gode periodar. Sjølv om det ikkje vart siger, var HaNo/Lepsøy det beste laget. Spesielt var Håkon Haram og Tore Johan Gjerde gode for HaNo/Lepsøy.
|
