Båtvask - the end
Laurdag kl 17 var det gjort! Vi hadde vaska vår del av Aker Wayfarer. 5 dagar har vi brukt på jobben, og mange har jobba godt for å få inn pengar i klubbkassa.
For andre gong har vi vore med på båtvask på STX i Søvika. Sist gang vi vaska, enda det med at båten Skandi Acergy vart kåra til årets skip. Vi trur at vaskinga gjorde utslaget:)

Denne gongen var det Aker Wayfarer som låg å venta på at vi skulle dukke opp med vaskebøttene. I sommar gjorde vi unna grovvasken på 2 dagar. Finvasken brukte vi 3 dagar på. Alle vi som har vore der, kan vere fornøgde med innsatsen. Vi får skryt frå verftet for jobben vi gjer, og det endar med mange titals tusen i HaNo - kassa.

Dei aller fleste meiner at dette er ein super måte å gjere HaNo-dugnad på, sjølv om vi veit at nokre få er meir kritiske. Skulle vi få tilbudet neste år, må vi i allefall vurdere det. Styret si meining er vel at slike dugnadstilbod er for gode til å takke nei til. Men no kan vi uansett kvile på laurbæra ei stund. Med både HaNo-dagar og båtvask unnagjort, er det berre å begynne å tenkje på julebaksten:)

Her er nokre få uklare mobilbilder frå siste økte på laurdag:

19/09-10
Av: Kenneth Ulla






Lagbilde. Her er 14 av dei 16 som var med på siste økte laurdag. Siv, Geir, Odd Einar, Hege, Steven, Daniel, Roy og Torleif. Framme: Michael, Stine, Mayura, Linda og Anja. Cato og Kenneth fekk ikkje vere med på bilde:)


Vask av kontrollrom


Utan mat og drikke...God lunsj!



5 siste nyheter fra :
Kretsmesterane imponerte.
J16 nekter å tape
J16 med bragd.
HaNo - Hødd
Tilbake til kvardagen


Hovudsponsorer: