|
Siger mot Vigra
|
HaNo vann 3-1 mot Vigra på Valdervoll onsdag. Joakim, Lars Petter og Lars skåra måla som alle kom i 2 omgong.
|
1-0 Joakim Austnes
1-1
2-1 Lars Petter Haram
3-1 Lars Åkre
Etter 2 tap på dei siste kampane vart det endeleg ein opptur for HaNo mot Vigra på onsdag. Laga spelar i år i ulike avdelingar i 5 divisjon og Vigra har imponert i vinter med fleire gode resultat.
Kampen gjekk under gode speleforhold på Valdervoll og starta med eit lite HaNo press dei første minutta utan at laget klarte å skape dei heilt store sjansane. Vigra kom etterkvart meir inn i kampen og spelte seg til fleire halvsjansar på si venstre side, men keeper Pål Forr Austnes og forsvaret fekk rydda opp. Mads Uri fekk HaNo sin største sjanse i omgongen etter 20 minutt da han avslutta like over på eit skot fra skrått hald. Men ei sjansefattig omgong endar 0-0.
I andre omgong sett HaNo inn spelande trener Joakim Austnes og han sett fart i angrepet til dei blå. Odd Einar Molnes driblar av eit par mann og spelar han fint gjennom etter 5 min og aleine med keeper gjer Joakim ingen feil og HaNo leiar 1-0. Vigra er også farleg frampå fleire gonger og vinn i denne perioden fleire dueller og pressar HaNo bakover. Utlikninga kjem etter omlag 60 minutt da ein Vigra speler sett ballen i mål under ein sjanselaus Pål Forr Austnes i HaNo målet. Men denne kampen skulle bikke i HaNo sin favør. Joakim blir igjen spelt i gjennom og sett ballen i stolpen. Lars Petter får returen og sett den «kontrollert» i tverra og inn frå straffemerket. Kampen bølger fram og tilbake i denne perioden men HaNo har brukbar kontroll bakover. Vigra har fleire skot mot mål men utanom ei heading like over mål endar det meste langt over og ved sida av mål. 10 min før slutt vinn Joakim ballen frå vigra sin bakerste forsvarar og Lars snappar opp ballen og sett inn 3-1 aleine med keeper.
Kampen endar med HaNo siger og solid framgong frå sist. Mange av dei unge tar store steg for kvar kamp no og bidreg til at laget framstår meir samla defensivt. Pål gjer igjen ein god innsats i mål og Robin har god kontroll i midtforsvaret ilag med Per Kristian. Lars Petter og Vegard vinn duellar og bidreg med rutine på midten og Mads viser positive takter den omgongen han spelar. Alt i alt ein godt gjennomført kamp av samtlige og eit langt steg i rett retning. No blir det trening i morgon i hallen før vi møter Ravn til ny kamp neste veke.
|
